Description
He knew there's no turning back now. He'll be the one to get this girl. Inis na inis si Sahara dahil ilang ulit nang nawawala ang mga cake niya. Kaya naman napag-pasyahan niyang magpakabit na ng cctv camera sa cake shop niya para may ebidensiya siya. Subalit bago niya iyon magawa, hindi niya inaasahang mahuhuli niya ang magnanakaw isang gabi. At lalong hindi niya inaasahang kilala pa pala niya ito, si Rui, ang pasaway na ex-classmate niya na ang number one purpose noon ay guluhin ang mundo niya. Sa tulong ng kinakapatid niya, bilang parusa, magiging alipin niya si Rui sa loob ng isang linggo. Lahat ng gusto niya ay gagawin nito. At lahat ng karapatang pahirapan ito ay nasa kanya. Subalit natigil pansumandali ang amo-alipin setup nila sa pag-uwi nila sa Sta. Ana. Tulad noon, hindi niya alam pakibagayan ang ugali nito kaya ang balak sana niya ay hindi na lang ito pansinin sa durasyon ng pagtigil nila roon. Pero kahit ano'ng bantay niya, tulad ng cake niya, nakuha na rin ni Rui ang puso niya nang hindi niya namamalayan.
Chapter 1 Part 1
