1

Malaki ang naging galit ni Lena sa kaniyang ama magmula nang matuklasan niya ang totoong dahilan nang pag alis nito noon. Hindi pala ito totoong nag abroad at sumama lang sa anak ng mayaman nitong boss. Dahil sa nalaman ay malaki ang naging galit niya sa mga mayayaman na kagaya ng babaeng ipinalit ng daddy niya sa kanila ng mommy niya. Inisip niya na pare-pareho lang ang mga ito.

Kaya nang makilala niya si Luke ay inis na inis siya. Hindi mayaman si Luke, feeling mayaman lang at kahit totoong napakagwapo ito ay major turn off para sa kaniya ang kayabangan nito. Pero dahil sa pakiusap ng mabait na kapitbahay na si Nanay Mona ay napilitan siyang mapalapit kay Luke para turuan ito ng leksiyon.

Noong una ay napipilitan lang naman siya na kulitin si Luke para sundin nito ang mga utos niya. Wala sa plano niya ang matulala sa ngiti nito at hanap hanapin ang presensiya nito kapag hindi niya ito kasama.

Hindi mayaman si Luke. Iyon ang pagkakaalam ni Lena. At kung kailan naman hulog na hulog na ang loob niya dito at nakahanda na siyang bawiin ang mga nasabi niyang pangit ay saka naman niya natuklasan na hindi lang ito basta feeling mayaman. Anak mayaman pala talaga si Luke.

At sa ikalawang pagkakataon ay muli na naman siyang nasaktan....