CHAPTER 1:

"Sana bukas paggising mo, mahal mo na ako."

Nag-crash ang eroplanong kinalululanan ni Jasmine nang patungo itong Mindanao at ni sa hinagap ay hindi niya inaasahan na nakasama sa trahedya ang taong nais na niyang kalimutan, si Spencer.

Magsasama sila sa iisang lugar, iisang bubong at wala siyang ginawa kundi ang pagsilbihan ito na parang tunay na asawa subalit hanggang kailan kung sa simula't sapul pa lamang ay wala na siyang puwang sa puso ng binata dahil may isang Georgia na nakatakda nitong pakasalan?