#1 Kung kaya mong mabuhay nang paulit-ulit sa iba't ibang henerasyon, kaya mo ring tutukan ang bawat sikretong nakatago sa mahabang panahon. Si Santino Ibarra ay naninirahan sa panahong walang sinuman ang may alam. Sa gabing humudyat sa kanya ang kalangitan, tatahakin nito ang kalyeng naglalaman ng mga isyu ng bayan. Mula sa Panahon ng Kastila, panahon ng Hapon, panahon ng panunupil ng iba't ibang dayuhan hanggang sa panahon natin ngayon. Ang kalyeng naglalaman ng sampung lagusan upang malaman ang mga masalimuot na karanasan ng mga Pilipino. Kalye Crisostomo. Bulag ang hindi makapagsalita, pipe ang hindi nakakakita. Date started: November 21, 2019 Date finished: January 10, 2020

#2 Hindi pa sapat kay Santino ang sampung lagusan ng Kalye Crisostomo. Alam nitong marami pa siyang sikretong makakalap mula sa mga boses na pinilit patahimikin, mga matang may mahigpit na pagkakapiring at mga buhay na pinahirapan, tinapos at inalipin. Sa ikalawa niyang paglalakbay ay tatahakin naman nito ang haciendang nababalot ng trahedyang kinasadlakan ng mga Pilipino mula sa panahon ng kasalukuyan, Kastila, at Amerikano. Ang hacienda na naglalaman ng mga sikretong nanatiling lihim sa mahabang panahon. Ang pagsiwalat niya sa mga isyung panlipunan. Ang mga kaganapan at katotohanan. Muli nating samahan si Santino sa kaniyang paglalakbay sa iba't ibang henerasyon ng Pilipinas. Ang misteryosong hacienda na nababalot ng mga kuwento ng iba't ibang karanasan ng mga Pilipino. Hacienda De Ibarra. Nakakulong ang tahimik, nagpupugay ang namimintas.