للمتشوقين لرواية اولاد تسعه بعض المعلومات المهمه قبل لنبدوا فيها بعون الله.. 1_قصة الروايه من وحي الخيال حنتخيل انها صارت في ليبيا لكن بعيدة كل البعد عن الواقع اللي عشناه زمان وتوا.. مرات تلقوا فيها بعض الاسقاطات ع الواقع زي مامرات حتقابلكم احداث غير واقعية بالمرة وكأنها "فنتازية" المهم نرجع نقوللكم لو ذكرت اسماء مدن ليبيه خلال الاحداث فقط لمجرد خدمه سياق القصه لأني تخيلت ان احداثها صارت في ليبيا.. 2_سرد القصة حيكون ع مراحل زمنيه مختلفه يعني بدايتها حتحكي عن تاريخ عائلة البطل "خضر او آدم" وتقعد الاحداث تتسلسل مع مرور الزمن لين توصل في صلب القصه والأحداث المحوريه.. 3_حيكون سرد الاحداث ع لسان الابطال الاساسيين "آدم وصبا" واني حنسرد معاهم كذلك وحتكون في علامه توضح الحاجه هادي.. يعني قبل سرد البطل حنحط العلامة هادي "♤" وقبل سرد البطله حنحط العلامه هادي "♧" وقبل سردي اني حنحط العلامه هادي"🌿" 5_اكيد الرواية مضمونها الاساسي "الدعوة لله تعالى" بس هالمرة برساله مختلفه واكثر عمقا وتحاكي ماصاير في وقتنا الحالي... واخيرا دعواتكم ثم دعواتكم ثم دعواتكم..ودعمكم الجميل...

أقوا رواية ،، تحصلت ع ترند ف مجلة رواياتي الإلكترونية لعام 2020 👌🏻🔥🔥