Namulat si Jace Aurelius Arañez sa karangyaan. Sa Saint Edmund University, kilala siya sa pagiging conyo, at sa paniniwalang kayang bilhin ng pera ang lahat ng bagay. Malayo naman sa pamumuhay ni Jace si Tristan Rhys Azarcon. Kapos sa pera, pagod sa samu't saring trabaho, at laging nasasangkot sa mga hindi niya naman na dapat pinoproblema pa. Pero para kay Rhys, hangga't kaya niyang tumulong, gagawin niya. May sapat na pera si Jace para dagdagan ang kulay ng buhay ni Rhys, at mukhang masaya rin naman itong maambunan ng yaman. Ngunit sa kabila ng lahat ng kayang ibigay ni Jace at lahat ng handang gawin ni Rhys, sapat kaya ang pagmamahal para punan ang mga bagay na hindi kayang bilhin ng pera?