​🖤 : پوختەی چیرۆک ​هوانگ هیونجین (۲۷ ساڵ) پیاوێک لە ناوەندی تاریکی و جیهانی مافیادا. خاوەنی دەسەڵاتێکی سامناک و ئیرادەیەکی لەرزێنەر کە هەموو کەسێک لە ناوەکەی دەترسێت. لە جیهانی تاوانکاریدا بە دڵساردی و بڕیارە بێبەزەیییەکانی ناسراوە. ئەو پێی وایە هەستەکان تەنها لاوازی دروست دەکەن، تا ئەو کاتەی چاوەکانی دەکەونە سەر ئەو کوڕەی کە هەموو یاساکانی تێکدەدات. ​لی فیلیکس (۱۹ ساڵ) کوڕێکی زیرەک و بێتاوان بەڵام خاوەن کەسایەتییەکی سارد و چاونەترس. ئەو وەک خوێندکارێکی زانکۆ بە تەواوی لە جیهانی کێشە و مافیا بەدوورە و تەنها گرنگی بە ئایندەی خۆی دەدات. لە بەرامبەر هیچ هێزێکدا چۆک دادانادات و سەرشۆڕ ناکات. شێوازی قسەکردن و ساردییەکەی وەک سەهۆڵێکە کە هیچ کەس نەیتوانیوە بڕوخێنێت. ​چیرۆکەکە کاتێک ڕووداوێکی شەوێکی باراناوی ڕێگاکانیان تێکەڵ دەکات، بەریەککەوتنێکی پڕ لە ڕق و ململانێ لە نێوانیان دەست پێدەکات. هیونجین دەیەوێت ئەو کوڕە بێباکە بشکێنێت و تامی ترسی پێ بچێژێت، بەڵام فیلیکس بە سەرشۆڕنەکردن و ساردیی خۆی زیاتر هیونجین سەرسام دەکات. لە نێوان جیهانی تاریکی و بێتاوانیدا، یارییەکی مەترسیدار دەست پێدەکات کاتێک ڕق هێواش هێواش بەرەو خولیا و خۆشەویستییەکی قووڵ دەگۆڕێت.