Nagulo ang tahimik na buhay ni Aaron nang isang gabi ay nagkamali ng pinasukang pinto si Pio, ang lalakeng gabi-gabi ay naririnig niyang may pinaiiyak na babae sa kabilang kuwarto. Sa halip kasi na sa apartment nito ito pumasok ay naligaw ito sa apartment niya. At sa puntong iyon ay tila nag-iba ang tingin nito sa kaniya. Hanggang sa nangyari ang bagay na ngayon niya lang naranasan buong buhay niya. Isa lamang ba si Aaron sa mga paiiyakin ni Pio sa kama? O higit pa rito ang tingin nito sa kaniya?

Buo ang pagkatao ni Jaxon nang pumasok siya sa military academy. Ngunit nayanig ang paniniwala niyang hindi siya magkakagusto sa kapwa niya lalake nang makilala niya si Duke. Si Duke ang kinatatakutang bully sa campus. Matangkad, guwapo, at matikas. Ngunit nang dumating si Jaxon ay tila nawala ang kaniyang angas. Hanggang sa ang dating alitan ng dalawa ay unti-unting nauwi sa hindi inaasahan. Sa pagitan ng prinsipyo at dangal, may lugar nga ba ang dalawang pusong nagmamahal? At hanggang kailan kaya ito magtatagal?

Matapos palayasin si Janus sa kanilang tahanan, nagsimula ang panibagong yugto ng kaniyang buhay. Sa wakas, malaya na siya sa kamay ng kaniyang amang hindi tanggap ang tunay niyang pagkatao. Ang problema, mayroon lamang siyang isang buwan para makahanap ng trabaho at suportahan ang sarili. Kung hindi, palalayasin siya sa inuupahan niyang apartment at tiyak na pupulutin sa kalye. Sa hindi inaasahan, nasa tabi niya lang pala ang kaniyang hinahanap. Nangangailangan kasi ng katulong ang biyudo at brusko niyang kapitbahay na si Roman, dahil mayroon itong limang taong gulang na anak na kailangang bantayan habang ito ay nasa trabaho. Walang pag-aatubili niyang tinanggap ang papel na ito kahit wala siyang karanasan dito. Isang buwan lang naman, sabi niya. Pero kinalaunan, parang gusto na niyang magtagal kasama ang mag-ama sa iisang bubong. Mapunan kaya ni Janus ang pananabik ng anak ni Roman sa yumao nitong ina? Higit sa lahat, ang mga pangangailangan ni Roman sa kama? O sila ba ang pupuno sa naiwang puwang sa puso niya?